Հայաստանի պետական կամերային երգչախումբ

Մեր մասին

Հիմնադրվել է 2000-ին` «Վաչէ և Թամար Մանուկեան» բարեգործական միության հովանավորությամբ, այնուհետև վերանվանվել է Հայաստանի Պետական կամերային երգչախումբ՝ ՀՀ Մշակույթի նախարարության կազմում: Երգչախումբը ելույթներ է ունեցել Անգլիայում, Իտալիայում, Ռուսաստանում, Ֆրանսիայում, Շվեյցարիայում և այլ երկրներում: 2007-ին հանդես է եկել Ստրասբուրգի Եվրախորհրդի համերգային դահլիճում: Երգացանկն ընդգըրկում է համաշխարհային, եվրոպական և ռուս կոմպոզիտորների ստեղծագործություններ: Երգչախումբը հայ կոմպոզիտորների գործերի նվիրյալ տարածողն է: Թողարկվել են CD-ներ` այդ թվում Տ.Մանսուրյանի ARS POETICA երգչախմբային կոնցերտի ձայնագրությամբ (,,ECM Records”): Երգչախումբը մասնակցել է միջազգային հեղինակավոր փառատոնների:

Գեղարվեստական ղեկավար և գլխավոր դիրիժոր՝ Ռոբերտ Մլքեյան

Ստեղծվել է 2000 թ. «Վաչէ և Թամար Մանուկեան» բարեգործական միության հովանավորությամբ: Գեղարվեստական ղեկավարը և գլխավոր դիրիժորը ՀՀ արվեստի վաստակավոր գործիչ Ռոբերտ Մլքեյանն է:

2006 թ. երգչախումբը մասնակցել է Իտալիայի Բերգամո քաղաքում կայացած ժամանակակից երաժշտության միջազգային փառատոնին: Նույն թվականին երգչախմբի՝ Սանկտ Պետերբուրգի «Սպիտակ դահլիճում» և Եկատերինյան պալատում տեղի ունեցած համերգներով եզրափակվել է Ռուսաստանում Հայաստանի մշակութային տարին:

2009 թ. Կոմիտասի ծննդյան 140-ամյակի կապակցությամբ երգչախումբը մեծ հաջողությամբ հանդես է եկել Ֆրանսիայում և Շվեյցարիայում տեղի ունեցած համերգ-դասախոսություններին: 2015-ին Հայոց ցեղասպանության 100-րդ տարելիցի միջոցառումների շրջանակներում համերգներ է ունեցել Շվեյցարիայում (Բեռն, Ցյուրիխ), Լիբանանում, Արգենտինայում, Հունաստանում (Աթենք, Սալոնիկ):2018 թ. Բերկլիի համալսարանի ամենամյա երաժշտական միջոցարմանը: 2019 թ․ Կոմիտաս Վարդապետի ծննդյան 150-ամյակին համերգ է ունեցել ՅՈՒՆԵՍԿՕ-ի փարիզյան գլխավոր գրասենյակի դահլիճում։ 2021 թ․ երգչախումբը հանդես է եկել Ռավեննայի փառատոնում, տեղի սիմֆոնիկ նվագախմբի հետ և նույն կազմով Երևանի օպերային թատրոնում, աշխարհահռչակ դիրիժոր Ռիկարդո Մուտտիի ղեկավարությամբ։

Ելույթներ է ունեցել մի շարք նշանավոր տաճարներում և հեղինակավոր դահլիճներում, այդ թվում՝ Սեն-Լուի տաճարում և «Սալ Գավո» դահլիճում (Փարիզ), «Սպիտակ» դահլիճում և Սմոլնի տաճարում (Սանկտ Պետերբուրգ), Եվրախորհրդի դահլիճում (Ստրասբուրգ), Ֆրաուենկիրխե տաճարում (Դրեզդեն) և այլուր:

Կամերային երգչախմբի գլխավոր ձեռքբերումներից է Եղիշե Չարենցի 10 բանաստեղծությունների հիման վրա Տիգրան Մանսուրյանի ստեղծած "Ars Poetica" երգչախմբային կոնցերտի ձայնասկավառակը, որը թողարկել է ECM Records ընկերությունը: 2006 թ. Համաշխարհային երաժշտական գեղարվեստական խորհրդի կողմից սկավառակն արժանացել է «5 աստղ» բարձրագույն վարկանիշի:

Երգչախմբի ընդգրկուն երկացանկում ներառված են տարբեր դարաշրջանների հայ և համաշխարհային կոմպոզիտորների խմբերգային և վոկալ-սիմֆոնիկ ստեղծագործություններ: Կոլեկտիվը հանդես է եկել հայաստանյան և համաշխարհային պրեմիերաներով` կատարելով Տիգրան Մանսուրյանի, Դավիթ Հալաջյանի, Երվանդ Երկանյանի, Էդուարդ Հայրապետյանի և այլ կոմպոզիտորների երկերը:

Համերգային գործունեությանը զուգահեռ կոլեկտիվն իրագործում է բարեգործական ծրագրեր` ելույթներ ունենալով Երևանի տարբեր ուսումնական հաստատություններում, զորամասերում և ՀՀ մարզերում:

Երգչախումբը գործում է շնորհիվ մեր գլխավոր հովանավոր 
«Վաչէ և Թամար Մանուկեաններ» բարեգործական հիմնադրամի:

Մեր երախտագետ ենք նաև այլ կազմակերպությունների` մեր գործունեությանը նպաստելու համար.
ՀՀ մշակույթի նախարարություն
ՀՀ արտաքին գործերի նախարարություն
Արմենիա Թրավել +M
Հայաստան ծառատունկ
ԱԿԲԱ – ԿՐԵԴԻՏ ԱԳՐԻԿՈԼ ԲԱՆԿ
ՕՐԱՆԺ Հիմնադրամ
Գրանտ Թորնթոն Ամյո
ՀԱՅԱՍՏԱՆ համահայկական հիմնադրամ
Նինա Հովնանյանի Հայկական Գանձերը
Պրինտինֆո
ՎիվաՍելլ-ՄՏՍ
Զիգզագ
Զվարթնոց օդանավակայան

Նորություններ

Վիվալդի- Գլորիա | ՀՊԿՆ և ՀՊԿԵ

Սեպտեմբերի 9-ին, ժամը 19։30 Կոմիտասի անվան կամերային երաժշտության տանը կկայանա Վիվալդիի ստեղծագործությունների ինքնատիպ երեկո։
Մասնակցում են՝
ՀԱՅԱՍՏԱՆԻ ՊԵՏԱԿԱՆ ԿԱՄԵՐԱՅԻՆ ՆՎԱԳԱԽՈՒՄԲԸ
(գեղար ...

Դիտել

Հայաստանի պետական կամերային երգչախումբը կմասնակցի Ռավեննայի փառատոնին

Հայաստանի պետական կամերային երգչախումբը վերածննդի իտալացի մեծ բանաստեղծ և մտածող Ալիգիերի Դանթեի մահվան 700-ամյակի կապակցությամբ հրավիրված է մասնակցելու Ռավեննայի փառատոնին Քերուբինիի նվագախմբի հետ։

...

Դիտել

Գ. Ֆորե – Ռեքվիեմ

Հայաստանի պետական կամերային երգչախումբ
գեղարվեստական ղեկավար և դիրիժոր՝Ռոբերտ Մլքեյան
Հայաստանի պետական կամերային նվագախումբ
գեղարվեստական ղեկավար և գլխավոր դիրիժոր`Վահան Մարտիրոսյան

Դիտել

Գեղարվեստական ղեկավար

Ռոբերտ   Մլքեյան

ՀՀ ժողովրդական արտիստ, ՀՀ արվեստի վաստակավոր գործիչ, Մովսես Խորենացի մեդալակիր, Հայրենիքին մատուցած ծառայությունների համար ՀՀ երկրորդ աստիճանի մեդալակիր։

Կրթությունը ստացել է Սանկտ Պետերբուրգում և Երևանում:

1984-1992 թթ․ ղեկավարել է Երևանի Կոմիտասի անվան կոնսերվատորիայի կոմպոզիցիայի և երաժշտագիտական բաժինների ուսանողների երգչախումբը:

1992-2000 թթ․ Գյումրիի պետական սիմֆոնիկ նվագախմբի, ինչպես նաև Գյումրիի կամերային  երգչախմբի գեղարվեստական ղեկավարը և գլխավորն դիրիժորն է:

1995 թ․ Երեվանում հիմնել է «Հայ ֆոլկ» վոկալ անսամբլը, որը բացառիկ հաջողություններ է ունեցել Հայաստանում և արտերկրում։

2000-ից առ այսօր Հայաստանի պետական կամերային երգչախմբի գեղարվեստական ղեկավարը եվ գլխավոր դիրիժորն է։

Եղել ...

Երգիչներ

Տնօրինություն

Հետադարձ կապ

ՀՊԿԵ
Հայաստանի պետական կամերային երգչախումբ

ՀՀ, Երևան
0025, ք. Երևան, Իսահակյանի 1
+37410526725, +37491601515